الشهادات والتقييم

الشهادة بتتصدر لوحدها:

• الورشة: لما تتقفل، لو حضرت النسبة المطلوبة من جلساتها.
• الكورس: لما تخلّص الدروس المطلوبة وتنجح في كويزاته.

وبيوصلك إيميل «شهادتك جاهزة».

1 2 3 4

1. رقم التحقق: زي EXC-XXXX-XXXX-XXXX، وجنبه الحالة: سارية أو ملغية. وفوقه اسم الورشة أو الكورس، وتاريخ الإصدار وعدد الساعات.
2. عرض: يفتح الشهادة في تاب جديد.
3. تحميل PDF: تحفظ الملف عندك أو تطبعه.
4. انسخ لينك التحقق: لينك تبعته لأي حد (شركة بتقدّم فيها مثلًا) يتأكد منه إن الشهادة حقيقية.

التحقق من شهادة#

أي حد يقدر يتأكد من الشهادة من صفحة تحقق من شهادة على الموقع — من غير حساب.

1 2

1. رقم التحقق: يكتبه، أو يمسح الـ QR المطبوع على الشهادة فيفتح الصفحة دي على طول.
2. النتيجة: شهادة سارية باسم الطالب، والورشة أو الكورس، وتاريخ الإصدار. ولو الشهادة اتلغت، مكتوب الشهادة دي اتلغت وتاريخ الإلغاء.

قيّم ورشة أو كورس#

بعد ما ورشة تتقفل (لو حضرت جلسة واحدة على الأقل)، أو بعد ما تخلّص كورس، بيظهرلك زرار قيّم الورشة أو قيّم الكورس. وكل ده في مكان واحد: تقييماتي في القايمة (تحت «إنجازاتي»).

1 2

1. مستنية تقييمك: الورشة أو الكورس اللي خلصته ولسه ما قيّمتوش، بزرار قيّم.
2. بتتفتح بعد ما تخلص: الورشة اللي لسه شغالة بميعاد آخر جلسة فيها، والكورس بنسبتك فيه.

وبعد ما تقيّم، التقييم بينزل في تقييماتك بنجومه وحالته (في انتظار الموافقة / منشور / مرفوض بالسبب) وزرار تعديل.

1 2 3

1. تقييمك: من نجمة لـ 5 (ضعيف، مقبول، جيد، جيد جدًا، ممتاز).
2. تعليقك (اختياري): إيه اللي استفدته، وهتقول إيه لحد بيفكر ينضم؟ لحد 1000 حرف.
3. ابعت تقييمي.

قيّم مدربينك#

ده غير تقييم الورشة: هنا بتقيّم المدرب نفسه، وتقييمك بيوصل لفريق الأكاديمية بس (باسمك) — مش بيظهر على الموقع والمدرب مش بيشوفه. بيتفتح في نفس ميعاد تقييم الورشة أو الكورس، ومن قيّم مدربينك في القايمة (تحت «إنجازاتي»).

1 2

1. مستنيين تقييمك: مدرب كل ورشة أو كورس خلّصته، بزرار قيّم المدرب.
2. بيتفتحوا بعد ما تخلص: مدرب الورشة اللي لسه شغالة بميعاد آخر جلسة، ومدرب الكورس بنسبتك فيه.

1 2 3

1. الأسئلة: الأكاديمية هي اللي بتكتبها — شوية بنجوم (من 1 لـ 5) وشوية اختيار من متعدد، وكلها إجباري.
2. تعليقك (اختياري): المدرب عمل إيه كويس، وإيه اللي كان ممكن يبقى أحسن؟ لحد 1000 حرف.
3. ابعت تقييمي.