البداية وحسابك

حساب واحد بيشتغل على الموقع وتطبيق الموبايل. تقدّمك في الكورسات وورشك وشهاداتك بتبقى هي هي على الاتنين.

إنشاء حساب#

1 2 3 4 5 6

1. الاسم بالكامل: اكتبه بالإنجليزي، زي ما عايزه يتكتب على الشهادة.
2. البريد الإلكتروني: هيوصلك عليه رابط التفعيل، وكل إيصالاتك وإشعاراتك.
3. الموبايل والدولة: اكتب رقمك كامل بكود الدولة (زي +20 لمصر).
4. كلمة السر: 8 أحرف على الأقل، واكتبها تاني للتأكيد. والنوع اختياري.
5. الموافقة: على الشروط وسياسة الخصوصية (اللينكات تحتها لو عايز تقراهم).
6. إنشاء حساب: هتدخل على طول وتقدر تتصفح وتضيف للسلة.

تسجيل الدخول#

1 2 3 4 5

1. تسجيل الدخول / إنشاء حساب: تبديل بين الفورمين.
2. البريد الإلكتروني وكلمة السر.
3. نسيت كلمة السر؟ هيوصلك إيميل فيه رابط تختار منه كلمة سر جديدة.
4. تذكرني على هذا الجهاز لمدة شهر: سيبها متعلّمة على جهازك الشخصي بس، مش على جهاز مشترك.
5. تسجيل الدخول.

لوحتي#

أول ما تدخل بتفتح «لوحتي»، وبتجاوبك على 3 أسئلة: أعمل إيه دلوقتي؟ أنا فين؟ إيه الجاي؟

1 2 3 4 5 6 7

1. قايمة حسابك مجموعات:
   • لوحتي والإعلانات فوق.
   • التعلّم: ورشي، كورساتي، الكويزات، الواجبات، التقويم.
   • إنجازاتي: سجلّي، شهاداتي، تقييماتي، قيّم مدربينك.
   • الحساب: طلباتي، إشعاراتي (والرقم = اللي ما اتقراش)، بروفايلي.
   • المساعدة: الشكاوي والمقترحات، ودليل المتدرب ده. وتحت خروج.
2. فوق:
   • عربي / EN: لغة الموقع.
   • القمر: الوضع الغامق.
   • الجرس: الإشعارات.
   • عربية التسوق: السلة.
   • اسمك: حسابك.
3. تصفّح الورش الجديدة: يوديك لكل الورش والكورسات المتاحة.
4. دلوقتي: الحاجة الواحدة الأهم بزرارها: جلسة فاتحة أو قريبة (بالعدّاد)، أو امتحان جاري، أو واجب متأخر، أو إيصال مستني — وإلا كمّل من حيث وقفت في آخر درس ما خلّصتوش. الأحمر = عاجل.
5. أرقامك: الـ GPA بتاع الورش (ونسبته، والكورسات تحته — دوس عليه يفتح سجلّي)، والحضور (نفس نسبة الشهادة)، والجلسات اللي حضرتها، والدروس اللي خلّصتها، ووقت التعلّم، والكويزات اللي نجحت فيها، والواجبات المقبولة، وشهاداتك. الأحمر = أقل من المطلوب، وتحتهم نصيحة على أضعف رقم.
6. مطلوب منك: كل اللي مستنيك مقسّم بالوقت: متأخر / النهارده / الأسبوع ده / بعدين:
   • جلسة النهارده أو بكرة، وزرار ادخل الجلسة لما اللينك يفتح.
   • واجب متأخر، أو المدرب طلب تعديل، أو ميعاده فاضل له أقل من يومين.
   • كويز لسه ما نجحتش فيه وعندك محاولات، والامتحان النهائي لو مفتوح.
   • طلب مستني الإيصال (وزرار ارفع الإيصال — انظر الدفع والإيصال) أو إيصال بيتراجع.
   • لو مفيش حاجة هتلاقي «مفيش حاجة متأخرة عليك».
7. أسبوعك: السبت للجمعة، وفي كل يوم جلساتك (أزرق)، ومواعيد الواجبات (أصفر)، وفتح وقفل الامتحان (أحمر). النهارده متعلّم، واضغط على أي بند يفتحه. و«التقويم» بيوريك الشهر كله.

1 2 3

1. تقدّمك: الورش والكورسات الشغّالة بشريط، والخطوة الجاية بالاسم والميعاد (الجلسة الجاية أو الدرس اللي وقفت عنده)، والناقص للشهادة في سطر. اضغط على أي واحد يفتحه.
2. أسبوعك بالأرقام: آخر 7 أيام (جلسات حضرتها، دروس خلّصتها، كويزات وواجبات سلّمتها)، والجاي الأسبوع ده، ونشاطك عمود لكل أسبوع من آخر 8 أسابيع.
3. إنجازاتك: 6 شارات بتتفتح لما تحققها (أول شهادة، حضور كامل، 3 كويزات، أسبوعين ورا بعض، خلّصت كورس، واجب مقبول) — الرمادي لسه.

وتحت: إعلان الأكاديمية لو فيه، وآخر اللي فتحته (ماتريال ودروس ترجع لها بضغطة)، وشهاداتي بآخر شهادة.

الحساب والتطبيق#

• نفس الإيميل وكلمة السر بيشتغلوا في تطبيق الموبايل. نزّله من Google Play أو App Store.
• المحتوى المحمي (الماتريال والفيديوهات والكورسات) بيفتح على جهاز واحد بس في نفس الوقت — آخر جهاز يفتحه بياخد المكان. انظر أجهزتي.